Ամենայն Հայոց Հայրապետ Գարեգին Բ Կաթողիկոսի օրհնությամբ մեկնարկեց «Արարող ձեռքեր» ցուցահանդեսների շարքը: Նախքան ցուցահանդեսի բացումը՝ Վեհափառ հայրապետը ցանոթացավ ցուցահանդեսի նմուշներին, խոսեց երիտասարդ արվեստագետների հետ: Նշենք, որ այս տարին վեհափառը հայտարարել էր երիտասարդության տարի: Այս ցուցահանդեսների կազմակերպումը մեծ հնարավորություն է երիտասարդ «արարող ձեռքերի» համար: Նախաձեռնությանը սիրով միացավ նաև Գևորգյան հոգևոր ճեմարանը: Ցուցահանդեսի բացումը տեղի ունեցավ ԳՀՃ ուսումնական մասնաշենքի առաջին հարկում: Ճեմարանականները հետաքրքրությամբ մասնակցեցին կազմակերպչական աշխատանքներին: ԳՀՃ տեսուչ հոգեշնորհ հայր Գարեգին վրդ. Համբաձումյանը ընդունելության և ողջույնի իր խոսքում կարևվորեց նման միջոցառումները, հատուկ շնորհակլություն հայտնելով Մայր Աթոռի արխիվի և թանգարանների տնօրեն արժանապատիվ տ. Ասողիկ քհն. Կարապետյանին՝ ցուցահանդեսը ճեմարանում անցկացնելու նախաձեռնության համար: Իրենց շնորհակալական խոսքերով հանդես եկան քանդակագործ Սարգիս Բաբայանը և նկարիչ Միքայել Հարությունյանը, որոնց աշխատանքների ցուցադրությամբ էլ բացվեց «Արարող ձեռքեր» ցուցահանդեսների շարքը: Իր օրհնության խոսքը ասաց գերաշնորհ Նաթան արք. Հովաննիսյանը:
© Գէորգեան հոգեւոր ճեմարան
Մայր Աթոռ Սուրբ էջմիածին
Վաղարշապատ
ՀՀ
1101-ինդեքս
+374 10 517 180
© Gevorgian Theological Seminary.
Mother See of Holy Etchmiadzin
Vagharshapat
Republic of Armenia
1101
+374 10 517 180