Քրիստոսի հարությանն ընդառաջ՝ Ավագ երկուշաբթի օրը, Մայր տաճարում տեղի ունեցավ խոկման արարողություն, որին մասնակցում էին Պետական համալսարանի ուսանողներ, ռազմական ինստիտուտի կուրսանտներ, Էջմիածին քաղաքի Ն զորամասի շարքային զինծառայողներ։ Խոկումը իրենց գեղեցիկ և հոգեպարար երգեցողությամբ զարդարեցին ԳՀՃ «Էջմիածին» երգչախումբը՝ ղեկավարությամբ բարեշնորհ Արթուր սրկ. Վարդանյանի, և «Գանձեր» երգչախումբը՝ ղեկավարությամբ բարեշնորհ Վոլոդյա սրկ. Նաջարյանի։ Խոկմանը քարոզ խոսեց Տավուշի թեմի առաջնորդ գերաշնորհ Տ. Բագրատ եպս. Գալստանյանը։