![](http://gevorgianseminary.am/wp-content/uploads/2017/04/17426063_1351532844924894_4018505100455769916_n.jpg)
Տարվույս մարտ 26-ին ԳՀՃ Բ լսարանի սաները՝ առաջնորդությամբ տեսուչ հոգեշնորհ Տ. Գարեգին վրդ. Համբարձումյանի ուխտավորաբար այցելեցին Նորավանքի վանական համալիր, ուր ձեռամբ տեսուչ հայր սուրբի մատուցվեց Սուրբ եւ Անմահ Պատարագ: Ուխտավորներին միացել էին նաև հայտնի դերասան Հրանտ Թոխատյանը և պրոդյուսեր Արմէն Համբարձումյանը: Հավարտ Պատարագի և սիրո ճաշի, Հրանտ Թոխատյանը մտերմիկ զրույց ունեցավ ճեմարանցիների հետ, որի ընթացքին անդրադարձավ մարդու կյանքում արվեստի դերին և Հայաստանի այսօրվա մշակութային կյանքին:
Այնուհետև ճեմարանականները շարունակեցին իրենց ուխտագնացությունը և այցելեցին սահմանամերձ Խաչիկ գյուղ, ուր գյուղի համայնքի, եկեղեցու երգչախմբի եւ համայնքի հոգևոր պատասխանատու բրշ. Արսեն սրկ. Մաթևոսյանի հետ միասին մասնակցեցին երեկոյան աղոթքի: Հընթաց աղոթքի Հայր Գարեգինն իր պատգամը փոխանցեց եկեղեցում հավաքված հավատացյալներին: Ուխտագնացությունն ավարտվեց Խաչիկ գյուղի սահմանապահ զորամասում, ուր սաները ի մոտո ծանոթացան զինվորների առորյա կեանքին և առիթ ունեցան իրենց հարցերն ուղղելու սպաներին:
Սուրբ գրքի սերտողությամբ ավարտվեց ուխտագնացությունը:
![](http://gevorgianseminary.am/wp-content/uploads/2016/12/cropped-logo.png)
© Գէորգեան հոգեւոր ճեմարան
Մայր Աթոռ Սուրբ էջմիածին
Վաղարշապատ
ՀՀ
1101-ինդեքս
+374 10 517 180
© Gevorgian Theological Seminary.
Mother See of Holy Etchmiadzin
Vagharshapat
Republic of Armenia
1101
+374 10 517 180